ក្ដៅៗ! ថៃអាចនឹងបើកឱ្យអ្នកទេសចរចូលប្រទេសមិនបាច់ធ្វើចត្តាឡឺស័ក គ្រាន់តែ…

ប្រទេស​ថៃ អាច​នឹង​ពិចារណា​អនុញ្ញាត​ឲ្យ​អ្នក​ទេសចរ​ដែល​មាន​លិខិត​ចាក់​វ៉ាក់សាំង​កូវីដ-១៩ ចូល​ក្នុង​ប្រទេស​ដោយ​មិន​ចាំបាច់​ធ្វើ​ចត្តាឡឺស័ក ខណៈ​ប្រទេស​មួយ​នេះ កំពុង​ព្យាយាម​យឹតយោង​វិស័យ​ទេសចរណ៍​របស់​ខ្លួន​ឲ្យ​ប្រសើរ​ឡើង​វិញ ។

តាម​ការ​ថ្លែង​បញ្ជាក់​របស់​លោក​នាយករដ្ឋមន្ត្រី ប្រាយុទ្ធ ចាន់អូចា កាល​ពី​ថ្ងៃ​អង្គារ ទី ២៣ ខែ​កុម្ភៈ ឆ្នាំ ២០២១ កន្លង​ទៅ បាន​ឲ្យ​ដឹង​ថា រដ្ឋាភិបាល​នឹង​ពិចារណា​អនុញ្ញាត​ឲ្យ​អ្នក​ទេសចរ ដែល​មាន​លិខិត​បញ្ជាក់​ការ​ចាក់​វ៉ាក់សាំង​កូវីដ-១៩ អាច​ធ្វើ​ដំណើរ​ចូល​ក្នុង​ប្រទេស​ដោយ​មិន​ចាំ​បាច់​ធ្វើ​ចត្តាឡឺស័ក​រយៈពេល ២ សប្ដាហ៍​បន្ត​ទៀត​ឡើយ ដោយ​ក្នុង​នោះ​ខាង​អាជ្ញាធរ​នឹង​រៀបចំ​គម្រោង​ដើម្បី​តាមដាន​ពួកគេ អំឡុង​ពេល​ស្នាក់​នៅ​ក្នុង​ប្រទេស​នេះ ។

ផែនការ​បន្ធូរបន្ថយ​វិធានការ​លើ​អ្នក​ទេសចរ​នេះ បង្ហាញ​ពី​ការ​​ផ្លាស់ប្ដូរ​ជំហរ​ក្នុង​ប្រទេស​ថៃ ក្រោយ​រយៈពេល​រាប់​ខែ នៅ​តែ​ទាមទារ​ឲ្យ​អ្នក​ទេសចរ​ចូល​ក្នុង​ប្រទេស​ទាំង​អស់ ត្រូវ​តែ​ធ្វើ​ចត្តាឡឺស័ក​ជា​ដាច់​ខាត​នោះ ។ ប្រសិន​បើ​គម្រោង​ត្រូវ​បាន​អនុវត្ត នោះ​ការ​ផ្លាស់​ប្ដូរ​នេះ​នឹង​អាច​ជួយ​ជម្រុញ​ឲ្យ​វិស័យ​ទេសចរ​មាន​ការ​កើនឡើង និង​ជួយ​សម្រួល​ដល់​សេដ្ឋកិច្ច​ជាតិ​អំឡុង​ពេល​វិបត្តិ​កូវីដ​នេះ​បាន​​ចំណែក​ផង​ដែរ ៕ ប្រភព៖ប្រជាប្រិយ

Leave a Reply

Your email address will not be published. Required fields are marked *